Motrat Koçi konkurrojnë edhe me buzë!

Falë dy prindërve menaxherë, motrat Koçi, Greta dhe Eni, kanë gjetur mënyrat e duhura për pasur një karrierë muzikore dhe jo vetëm. Siç edhe dihet, Greta i është futur vrullshëm edhe politikës, pavarësisht zërave që qarkullojnë se ajo do të shkë- putet për shkak të stinës koncertore. Po vetë vajzat, përveç muzikës dhe konkurrencës që tashmë i bëjnë njëra-tjetrës, tentojnë

Eni Koçi, pas bashkëpunimeve me Noizin i kërkon shoqëri armikut të tij, Stresit

Është publikuar mesazhi privat dhe biseda që ka realizuar me këngëtaren e re Eni Koçi, dhe e ka shpërndarë te të gjithë miqtë e tij në facebook. Rep-këngëtari Arkimed Lushaj (Stresi) i cili njihet si rival i përbetuar i reperit tjetër, Rigels Rajku (Noizy), si në tallje ka publikuar bisedën private që e ka realizuar me këngëtaren e re Eni Koçi, që njihet njëherazi edhe si mike e ngushtë e Noizit pas disa bashkëpunimeve me të. Këtë publikim Stresi e ka bërë me siguri që të tallet me shoqërinë dhe të tregojë se Eni ka vendosur t’i kërkojë miqësi atij, duke e ditur që raporti mes tij dhe Noizit nuk është përmirësuar aspak. E derisa Eni vazhdon publikimin e këngëve të reja qofshin ato edhe bashkëpunime, Stresi po shijon suksesin e tij me këngën e fundit të prezantuar në ‘’TopFest’’, duetin me Xheraldina Berishën.

Panorama

Eni Koci: Djemte me konsiderojne si shok

E shkathët, sa e ngjashme, aq edhe e ndryshme nga e motra- Greta Koçi, më e vogla, Eni, spikati sapo doli në skenën muzikore, pak vite më parë. Me fare pak këngë, por me shumë vetëbesim, ajo arriti t’u përçonte të tjerëve mesazhin se vërtet mund “të bënte dëm”, siç është edhe titulli i një kënge që 16-vjeçarja këndon me Gretën. Kënga e saj më e fundit me klip, që e këndon me reperin kontrovers Noizy, ka thyer rekorde në youtube, pasi ende pa u lançuar klipi, është klikuar mbi 1 milion herë. Për këngën e re, pasionin për politikën, marrëdhënien me të motrën Gretën, si dhe sidomos thashethemet dhe nismën më të re të kryeministrit për të ndërmarrë masa ndaj gazetarëve që shpifin për personazhet VIP, Eni shprehet më poshtë, në intervistën për “standard”. “Njerëzit nuk kanë punë tjetër, por vetëm të trillojnë gjëra. Na kanë bërë me 100 operacione plastike, na kanë martuar e fejuar që në moshën 13-vjeçare…, cfarë nuk thonë njerëzit. Nëse një gazetar shpif, duhet dënuar me ligj sepse është diçka e padrejtë”, tregon mes të tjerash këngëtarja simpatike.

Eni, ti dhe Noizy sapo keni lançuar këngën tuaj me klip “Je gjithçka”. Si u bë i mundur ky bashkëpunim, që nuk është i pari për ju?

Klipi “Je gjithcka” është vazhdimi i bashkëpunimit tim të parë me Noizy-n, “So hot”. Në këtë video shfaqemi si një çift tepër i lumtur derisa Noizy-t i rikthehen sërish problemet me policinë dhe i duhet të largohet nga shtëpia, edhe pse me një dhimbje të madhe vetëm që unë të isha e qete nga problemet që ai shkaktonte. Që të jem e qartë- është thjesht një videoklip, pra aktrim e gjitha!

“Je gjithçka”, ka thyer çdo record klikimi në youtube, vetëm pak ditë pas lançimit. I ke parë shifrat që lëvizin me shpejtësi?

Po, dhe më vjen shumë mirë. “Je gjithcka” u shndërrua në hit ende pa dalë videoklipi. Kishte vetëm një muaj që ishte publikuar në internet dhe arriti 1.500.000 vieë…, një rekord që në këtë moment. Pa dalë klipi arriti në 2 milionë. Në fakt, kemi punuar shumë për këtë këngë, me zemër dhe besoj se ky është shpërblimi më i mirë që mund të merrnim.

Të gjithë bashkëpunimet e deritanishëm, përveç atij me Gretën, i ke me reperë, Noizy, Capital T. Kaq shumë të pëlqejnë reperët?

Hahahah, jo është thjesht rastësi. Me Capital T unë isha konkurrente te “Kënga Magjike” dhe për të përfaqësuar sa më mirë këngën “Diva” duhej patjetër një reper, e aq më tepër që Capital T është një nga më të mirët që kemi. Ndërsa me Noizy-n ideja për të bashkëpunuar ka lindur që kur u takuam në provat e “Këngës Magjike” . Miqësia na ka vajtur shumë mirë, puna po ashtu shumë mirë ndaj edhe do të vazhdojnë projektet me Noizy-n, edhe pas këngës “Je gjithcka” …

Eni, ti vetë bën edhe tekste këngësh, ndërkohë që je angazhuar edhe në radion tuaj, GM Radio. Po kohën për të mësuar kur e gjen?

Deri më tani, këngët e mia, si edhe disa tekste, jo vetëm të miat- i kam realizuar dhe vazhdoj t’i realizoj vetë si kompozimin ashtu edhe tekstin. Përsa i përket angazhimit në radio, unë e kam shkëputur pikërisht për arsyen e shkollës, sepse nuk mund ta lija pas dore.

Ti arrite në shumë pak kohë të futeshe mjaft fuqishëm në tregun muzikor. Shumë këngëtareve të tjera u është dashur shumë më tepër kohë e punë. Cili është sekreti yt?

Mendoj se duhet të përcjellësh diçka të veçantë tek publiku dhe ta bësh muzikën sepse e do vërtetë, ta realizosh me zemër. Nuk besoj se ka ndonje sekret tjetër …

A mendon se të xhelozojnë ose të kane inat për këtë shkak? Mendon se si te teksti i këngës suaj të dikurshme “ti u bën dëm” këngëtareve të tjera të reja?

Xhelozi ka kudo, në çdo fushë … Kjo të bën dëm për mirë sepse të shtyn më shumë për të punuar.

Ti je një artiste shumë e komentuar në facebook. C’ndjesi të krijon kjo gjë?

Sigurisht që sa më shumë të përflitesh, qoftë për mirë, qoftë për keq, tregon që e kanë vëmendjen tek ty dhe të duan. Nuk është se më krijon më ndonjë ndjesi, jam mësuar me këtë fakt dhe nuk është se i lexoj shpesh në fakt.

Eni, e ke menduar edhe ti të ecësh në gjurmët e politikës, sikurse Greta? A të pëlqen politika dhe a I ndjek zhvillimet e saj?

Po, më pëlqen jashtë mase shumë politika dhe e ndjek rregullisht, sidomos idhujt e mi në politikë.

Për çfarë të këshillon më së shumti Greta? Është e vërtetë që ti je si “çuni” i shtëpisë?

Greta për çfarë nuk më këshillon thuaj… për çdo gjë. Hahahha, është mese e vërtetë që jam “çuni” i shtëpisë. Çdo gjë e bën Eni, më e vogla, më e shkathta. (Bëj shaka)

Eni, a ke degjuar për nismën e kryeministrit për të marrë masa ndaj gazetarëve që shpifin për VIP-at? Ti vetë a ndjehesh shpesh e cenuar nga thashethemet?

Po, sigurisht që e kam dëgjuar dhe jam shumë dakort, sepse kjo do të ishte gjeëja më e mirë për të gjithë artistët shqiptarë. Ndihem e cenuar sepse njerëzit nuk kanë punë tjetër, por vetëm të trillojnë gjëra. Na kanë bërë me 100 operacione plastike, na kanë martuar e fejuar që në moshën 13-vjeçare…, cfarë nuk thonë njerëzit. Nëse një gazetar shpif, duhet dënuar me ligj sepse është diçka e padrejtë.

Ti je marrë edhe vetë për disa kohë me gazetari. Me siguri nuk kanë munguar edhe incidentet me personazhe, sikurse ndodh në radhët e gazetarëve, apo jo? Na trego ndonjë rast të veçantë, si je përballur?

Po, jam marrë për një periudhë goxha të gjatë. Unë jam përpjekur që të mos ketë incidente, pasi shumica e artistëve janë edhe miqtë e mi. Çdo lajm që është nxjerrë në gazetë është shoqëruar me foto dhe fakte. Nëse një gazetar i disponon këto të dyja, atëherë është shumë në rregull.

Si arrin të qëndrosh në formë fizike, apo gjithçka është natyrale?

Në fakt, për shkak të ngarkesës së madhe nuk merrem më as me palestër. Kërcej shumë, e adhuroj kercimin, plus jam gjatë gjithë kohës në lëvizje.

Dhe së fundmi, si i ke marrëdhëniet me djemtë, me ata të klasës dhe jashtë saj? Ndonjë gjë të veçantë …

Djemtë, si brenda klase, ashtu edhe jashtë saj, më konsiderojnë si një shok, hahhaha. Ndoshta për shkak të tipit tim. Kur isha në fillore nuk jam zënë asnjëherë me goca, gjithmonë me cuna. (Qesh)

Gazeta Standard

Eni Koçi: “Kur të lë muzikën, do t’i hyj politikës”

Sapo kanë publikuar klipin e tyre më të ri “Je gjithçka” dhe kanë pasur dhjetëra klikime në youtube. Eni Koçi tregon çelësin e suksesit të bashkëpunimeve me një rreper si Noizy por gjithaq tregon se do të heqë dorë nga muzika për tu marrë me politikë. Kur do të ndodhë kjo? Lexoni intervistën e saj.




Eni sapo keni publikuar klipin tënd të ri, një bashkëpunim me Noizyn. Përse një bashkëpunim të dytë me këtë rrepër?
Duke qenë se bashkëpunimi i parë rezultoi i suksesshëm, rastësisht u ndodhem në studio, Noizy-t i pëlqeu projekti që unë kisha, kështu që ai vendosi që këngën “Je gjithçka” ta realizonim si bashkëpunim
Noizy sapo ka publikuar një klip me Tunën, a nuk të duket se po dilni me një ide?
Nuk kanë aspak lidhje me njëra tjetrën, janë dy ide krejt të ndryshme.
Noizy është rreperi më i preferuar i këngëtareve. Veç jush, ka bashkëpunuar dy herë me Rozana Radin dhe njëherë me Tunën. Përse mendoni se këngëtaret tërhiqen prej tij?
Sepse është rreperi më i mirë shqiptar.
A beson se suksesi i një kënge varet nga bashkëpunëtorët?
Suksesi i një kënge varet nga kënga, nëse është e bukur ose jo. Sigurisht duhet të jenë edhe këngëtarë të mirë dhe të pëlqyer nga publiku për t’u bërë vërtet një hit.
Ju me cilët bashkëpunëtorë keni qenë më e kënaqur?
Me të gjithë. Sigurisht jam përpjekur të punoj me më të mirët, ndaj me të gjithë kam mbetur e kënaqur.
Edhe pak kohë më parë ju sollët një bashkëpunim të ngjashëm me një tjetër rreper, përse keni filluar të kanalizoheni pak a shumë në të njëjtin format këngësh?
Staz ishte një rreper shumë i mirë, me një vokal shumë të veçantë. Mua më pëlqejnë kombinimet e hip hop dhe RnB e për këtë arsye kam bashkëpunime të tilla.
-Gjithmonë pasi këngëtaret kanë një bashkëpunim të suksesshëm me një mashkull, gjithmonë mes tyre hamendësohet edhe një histori dashurie. Të ka rastisur të dëgjosh ndonjë koment për ndonjë lidhje të mundshme mes teje dhe Noizyt?
Me Noizy-n kam marrëdhënie shume të mirë, respektojmë njëri-tjetrin dhe merremi vesh shumë mirë. Kaq!
A ka miqësi të vërtetë mes këngëtareve?
Mund të ketë, por janë shume të rralla. Unë personalisht nuk kam ndonjë miqësi të ngushtë me ndonjë nga këngëtaret. Mik të vërtetë mund të quash dikë që e njeh prej kohesh dhe të është gjendur pranë në çdo rast. Unë e kam të kufizuar ketë rreth. Por, ka nga ato tipa që të lajkatojnë me fjalë të ëmbla dhe e bëjnë këtë gjë thjesht për interes.
Cilët janë këngëtarët me të cilët ke më shumë miqësi?
Mikesha këngëtare nuk kam. Kam miq si Big Basta, Capital T, Noizy. Me femrat kam thjesht njohje dhe miqësi të vogël.
Ju jeni dy motra të famshme. A ka ndikuar fama e motrës për të të lehtësuar rrugën në muzikë?
Sigurisht. Mund të thuash që unë gjeta çdo gjë gati, e pata rrugën të hapur dhe të shtruar falë Gretës.
Greta i ka shprehur qartë bindjet e saj politike, po ti je e pozicionuar politikisht?
Sigurisht edhe unë jam demokratë e flaktë.
Ke ndërmend të bëhesh pjesë e politikës?
Më pëlqen shume të bëhem pjese e politikes por në një moshë më të pjekur. Tani për tani do t’i përkushtohem muzikës. Kur të shfaqen talente të reja në muzikë, do ti hap rrugën dhe do vazhdoj të merrem me politiken. Të paktën ketë gjë dëshiroj por jetës nuk i dihet.
Në klipin e parë me Noizyn, në fabulën e klipit ju dashuroheni me një “kriminel”, të pëlqejnë në jetën e zakonshme “meshkujt e këqij”?
Mua përgjithësisht me pëlqejnë tipat çapkën dhe të qeshur.
Tani që je bërë e njohur të bezdis vëmendja e medias?U bënë tre vjet që nga dalja ime e parë në publik, ndaj jam mësuar me vëmendjen e median e cila nuk më ndahet. Shkruajnë çfarë t’u shkrepet.
Kur të kanë bezdisur më shumë gazetarët?
Kur shpifin lloj e lloj historish të pavërteta…Mediat nëse duan të shkruajnë për një këngëtar le të shkruajnë gjëra që janë të vërteta. Nuk lëndohen dhe bezdisen vetëm këngëtarët por edhe familjet dhe njerëzit tanë të afërt.
Nëse do të duhej të jetoje ndonjë ditë si e panjohur, çfarë do të bëje?
Do të dilja pafund nëpër Tiranë, pa makinë, do të haja shumë pa u kujdesur fare për trupin…
INA HOXHA BLUETOOTH

A është Eni Koçi këngëtarja më e suksesshme e momentit?

E dini se çfarë po mendoni…por nuk munda të mos e bëja këtë pyetje kur pashë që brenda një dite videoja e saj e re me Noizy – Je gjithçka ka arritur mbi 107.000 klikime brenda një DITE!!!

Asnjë nga videot e reja këtë vit nuk e ka arritur këtë. (Në videon e mëposhtme tregohet 98.000+ , sepse YouTube rifreskon të dhënat sipas një intervali ditor, ndërsa nëse e kërkoni në “search” ju jep numrin e saktë). Sigurisht që prezenca e Noizy ka bërë të vetën, por psh Çiljeta dhe Ingridi me videon e tyre të fundit kanë arritur këtë numër vizitorësh pas një JAVE! Videoja e tyre është parë 137.000 herë.

E njëjta gjë vlen dhe për Nora Istrefin dhe hitin e saj të fundit “Ski me ik” e cila pas dy javësh koleksionon vetëm 310.000 shikime, shumë pak krahasuar me “Je gjithçka” e cila vetëm në një ditë ka arritur 1/3 e kësaj shifre. Ndaj me çudi apo pa çudi po pyesim veten…A është Eni Koçi më e suksesshmja e momentit? Duket se po…suksese!


Revista Albaniac