Stine sulmon ‘Top Fest’

Janë të shumtë këngëtarët të cilët pas pjesëmarrjes në edicionin e sivjetshëm të Top Fest janë shprehur të zhgënjyer nga mënyra e organizimit dhe ndarjes së çmimeve. Disa e kanë shprehur pakënaqësinë me zë të lartë e disa e kanë komentuar mes miqve, por si kurrë më parë, këngëtarët e pakënaqur nuk kanë pasur frikë të deklarojnë me zë të lartë mbi mënyrën e padrejtë të eliminimit të disa këngëve.

Pas Ronela Hajatit, Stine bëhet i dyti këngëtar që deklaron hapur këtë pakënaqësi. Në faqen e tij në ‘facebook’ ai shkruan “Me këtë këngë përshëndesim Top Lekun që nuk pranoi Stinen në finale”.
Në fakt kënga e Stines ka qenë një prej më të klikuarave në ‘youtube’ duke arritur një shifër rekord prej 500 mijë klikimesh. “Megjithatë bordi i Top Fest vendosi që kjo këngë të mos jetë në finale”-thotë Stine, duke lënë të nënkuptohet që çmimet kanë qenë të shitura. Bluetooth

Motrat e Stines mbajnë baraspeshën në lidhjet e tij

Akoma është mister se me cilën nga vajzat e njohura të ekranit Stine ka një lidhje dashurie. Dikush thekson me bindje se ai është në lidhje me Rozën, vajzën e aktores Rita Lati, ndërsa të tjerë thonë se ai vazhdon lidhjen me këngëtaren nga Kosova, Adelina Berisha. Kjo e fundit shpesh qëndron në Tiranë, ku merr pjesë nëpër organizimet private të familjarëve të Stines. Këtë pasqyrë më saktë e tregojnë këto foto. Baraspeshën në lidhjet e dyfishta të Stinës siç duket e mbajnë motrat e tij, Vali dhe Alida. Gjatë ditëlindjes së tij, Vali, motra më e madhe është parë duke e shoqëruar gjatë gjithë kohës Adelina Berishën, ndërsa gjatë ditëlindjes së Alidës, kjo e fundit ka qenë gjithmonë në shoqëri të Rozës! Miq të këngëtares Adelina Berisha theksojnë se ajo është parë duke hyrë e dalë së fundi nga shtëpia e tij në Tiranë, por akoma nuk dihet se me kë po rri aktualisht Stine.

Stine mohon lidhjen me Ronela Hajatin

Kantautori Stine ka mohuar lidhjen e tij me këngëtaren Ronela Hajatin. Ai është shprehur se nuk është e vërtetë që ka lidhje dashurie me këngëtaren, dhe se ata janë vetëm miq.Stine dhe Ronela ishin fotografuar duke u përqafuar me njëri tjetrin, dhe menjëherë kanë qarkulluar fjalë për një lidhje dashurie mes tyre, por ky lajm është përgënjeshtruar nga vet Stine.

Ai ka thënë se ato fotografi janë bërë me një ditëlindje ku kanë qenë të ftuar që të dy, dhe ato përqafime kanë qenë shumë miqësore, sepse mes tyre nuk ka asgjë.