Rihanna ‘rrezikohet’ nga Rita Ora

Këngëtarja kosovare Rita Ora, e cila është duke bërë muzikë nën markën e e Jay-Z, duket se çdo herë e më shumë po i hyn në zemër këtij të fundit. 
Ndërsa , me Rihanna-n po ndodh e kundërta, këngëtarja nga Barbados ka nxehur shumë Jay-Z , i cili e ka kritikuar Rihanna-n, sepse ajo dëshiron të rikthehet tek ish i dashuri i saj Chris Brown, i cili është akuzuar për dhunë fizike ndaj saj.
“Nuk e kuptoj se si Chris e ka goditur atë dhe nuk dua më të kem të bëj me një burrë të tillë. Por më i nxehur jam me Rihanna-n. Nuk e di se çfarë po mendon, ajo nuk duhet të harrojë se çfarë i ndodhi”, theksoi bashkëshorti i Beyonce për ‘Radar Online’.
Ndërsa, nga kjo gjendje e tensionuar e të dy artistëve amerikanë, ajo që mund të përfitoj është Rita- e cila së fundi ishte e ftuar në një emision nga vet reperi amerikan.


(SU/shqiptarja.com)